Dĭng nar lơ 11/9, ta ntŭk kan Chính phủ, Thủ tướng Phạm Minh Chính hŏ tâm nchră đah Tổng thống dak Mỹ Joe Biden dôl khâl gưl Ngih dak tât Việt Nam ntơm lơ 10-11//9/2023 tĭng nau jă bah Tổng Bí thư Nguyễn Phú Trọng. Tâm nar tâm nchră, Thủ tướng Chính phủ Phạm Minh Chính lah rjăp nau kan du ntrong bah Việt Nam uănh Mỹ lah dak kan nsum geh nau khlay tâm nau kan, rnê prêh nau kơl an du dak Việt Nam dăng, đăp mpăn, nsôih êng ndrel nâp nâl, nkre lah đă dak Mỹ lŏ ntrŭt dăng nau kan tâm boh ngăn.

Tổng thống Biden tâm ban nau đah Thủ tướng Phạm Minh Chính mpeh nau kan rƀŏng ndrel nau ntrŭnh ƀư tâm nau kan mhe bah nau tâm boh bar dak kŏ kơt lah ăp nau kan tâm boh kan kơl an lor, tâm nê geh nau kan kơl an tâm nau rêh, ŭnh nar ndrih, nau kan prêh. Tổng thống Binden đă bar dak ân n’hao tâm boh tăch pă chất bán dẫn bah ăp nau ntĭm nti nŭih kan ân Việt Nam, bah nê ăp nhoat kơl an Việt Nam râng rjăp jru lơn ndrel jêng nau kan khlay tâm nau pă tăch tâm nkual ndrel lam ntur neh./.