Kêng măng 25/10, ta ntŭk kan Chính phủ, Thủ tướng Chính phủ Phạm Minh Chính hŏ vơt Groi Thủ tướng, Kruanh n’gâng kan nchră nau Thái Lan Parnpree Bahiddha-Nukara di rnôk hăn khâl ngăn Việt Nam ntơm lơ 25-26/10/2023. Tâm nar vơt, Thủ tướng Chính phủ Phạm Minh Chính nchră tât rơh khâl rơh aơ mra rgop nau ƀư ueh lơn tay nau tâm boh kan nsum đah dak kan nsum Việt Nam-Thái Lan.

Tâm nchră mpeh nau tâm boh bar ding, Thủ tướng Chính phủ Phạm Minh Chính đă bar dak lŏ ntrŭt dăng ndrel leo nau tâm boh kan nsum Việt Nam-Thái Lan hao du nhoat mhe, n’hao nau tâm nchră tâm rgâl gưl kan prêh ndrel ăp gưl ba lơ tâm nau kan Đảng, Ngih dak, Chính phủ ndrel Quốc hội; ntrŭnh ƀư săk tam nau kan tâm boh bar dak, ngăn lah nau kan rƀŭn Chính phủ nsum yor bar Thủ tướng ƀư tơm. Thủ tướng kŏ đă bar ding nsôih ƀư Bôk nau kan ntrŭnh ƀư nau tâm boh kan nsum n’hao lơn Việt Nam-Thái Lan lvang năm 2022-2027./.