Kêng măng 7/2, ta Nhih pah kan Chính phủ, Thủ tướng Chính phủ Phạm Minh Chính hŏ wơt Đại sứ Pakistan ta Việt Nam Kohdayar Marri nkhêp geh Đại sứ ntơm năm pah kan. Thủ tướng Chính phủ Phạm Minh Chính rnê âk Đại sứ Kohdayar Marri kơp ntơm bah rnôk  dơn nău kan nsrôih ntrŭt ntrôl tâm boh Việt Nam - Pakistan, lơn lah tâm trong kan văn hóa, njroh mprơ, chroh rƀŭn, rgop n’hao tâm gĭt wât nsum đah bar dak.

Thủ tướng Chính phủ lah rjăp Việt Nam n’hanh Pakistan hôm âk săk geh ân nsrôih mât dŏng gay n’hao tâm boh bar dak hun hao ngăn ngăn lơn, rgop an đăp mpăn, bah tâm lơh tâm su n’hanh tâm boh đah bar nkual Nam Á n’hanh Đông Nam Á, tâm ban kơt an nkual châu Á - Thái Bình Dương n’hanh Ấn Độ Dương lah nsum. Thủ tướng đă bar ding n’hao dăng tâm boh wăng sa – tăch rgâl, ntuh kơl, ndăn ăp săk geh n’hanh  dơh uĕh bah bar dak, nsrôih ơm n’hao nsĭt geh tăch rgâl bar ding hao rlău 1 rmen USD; nkre pơk hvi tâm boh tâm ăp trong kan văn hóa, ntĭm nti, pâl nđaih, tâm nđŭr ƀon lan.