Thủ tướng Chính phủ Phạm Minh Chính wơt wa Stephan Weil, Kruanh bang Hạ Saxony bah Đức, di rơh khâl Việt Nam. Thủ tướng Chính phủ Phạm Minh Chính rnê kruanh bang Hạ Saxony rơh bôk năp hăn khâl Việt Nam ndrel mpôl doanh nghiệp tâm rnôk nău tâm boh kan ndrel Việt Nam-Đức hun hao uĕh.

Thủ tướng Chính phủ Phạm Minh Chính đă 2 ding ntrôl kan ndrel mpeh chính trị-tâm boh ndrel, tăch rgâl-ntuh kơl, rdâng đah rgâl trôk nar, ntĭm nti nău kan, pâl nđaih, tâm nđŭr nuĭh ƀon lan, gay nsĭt tay nău geh an ăp dak, n’hao tâm wât ndrel đah ƀon lan 2 dak n’hanh rgop an đăp mpăn, kan ndrel n’hanh hun hao ta nkual n’hanh lam ntŭr neh. Tĭng nuih n’hâm ngăn ngên, rah rơih n’hanh nsing nơm, Thủ tướng Phạm Minh Chính đă Ngâng kan bang hạ Saxony ntrŭt nsôr ăp doanh nghiệp bah bang ntuh kơl an Việt Nam tâm ăp ntil nău têh dăng n’hanh nău ŭch bah 2 ding kơt công nghệ mhe, rgâl mrô, rgâl uĕh nđĭr, njrăng n’gang rgâl trôk nar...