Kêng măng 12/9) ta Ngih Chính phủ, Thủ tướng Chính phủ Phạm Minh Chính lĕ wơt Kruanh n’gâng kan-Thủ hiến nkual Flanders, dak Bỉ Jan Jambon dôl geh rơh khâl pah kan ta Việt Nam bah nar 12-16/9/2023. Ta nar wơt, Thủ tướng Chính phủ Phạm Minh Chính mĭn lah Việt Nam uănh khlay n’hanh nău ntrŭnh n’hao kan ndrel lĕ rngôch đah Bỉ, kơt đah ăp nkual n’hanh nsum mpôl bah Bỉ; uănh lah prêh rơh khâl Việt Nam bah Kruanh N’gâng kan-Thủ hiến nkual Flanders ndrel đah mpôl 30 doanh nghiệp têh kơt bôk nău pah kan âk đah ăp N’gâng kan, nău kan, ƀon lan bah Việt Nam.

Thủ tướng Chính phủ Phạm Minh Chính đă Kruanh N’gâng kan-Thủ hiến nkual Flanders uănh mĭn tay hun hao tâm boh đah Việt Nam, lơn lah mpeh kan ndrel wăng sa, tăch rgâl n’hanh ntuh kơl, rgop ntrôl dăng n’hanh nâp nâl lơn tay tâm boh Việt Nam-Bỉ. 2 ding tâm ban ŭch n’hao kan ndrel mpeh lŏ mir nâp nâl, ntuh kơl ndâk ƀư n’hanh kuăih rwach ăp trong dak lêng; mĭn njêng ndâk ƀư trong kan ndrel mhe đah nkual Flanders n’hanh ăp nkual bah Việt Nam gay n’hao uĕh, săk rnglăy kan ndrel đah Việt Nam n’hanh Bỉ.