Ta San Francisco, Thủ tướng Chính phủ Phạm Minh Chính wơt mpôl chính trị gia ăp nkual ƀon têh nkual Vịnh San Francisco, bang California yor wa Sheng Thao, Kruanh nkual ƀon têh Oakland leo trong di Thủ tướng tât Hoa Kỳ râng rơh tâm nchră nsum gưl prêh Đại học đồng Liên hợp quốc rơh tal 78. Ta nar wơt, Thủ tướng Phạm Minh Chính nkoch nău răm rhơn ta năp nău rgâl na nê̆, ngăn ngên kan ndrel đah Việt Nam n’hanh Hoa Kỳ lah nsum n’hanh ăp ntŭk nkual Vịnh San Francisco lah êng.

Thủ tướng lah rjăp Việt Nam ôp wơt mro n’hanh an âk nău rŏng rnăk wâl an ăp nuĭh kon gŭ ngai sĭt ƀon tơm. Aơ lah nău uĕh kon nuĭh bah văn hóa bah rnoi nuĭh Việt Nam. Thủ tướng mĭn lah nău n’hao kan ndrel, tâm pă nău geh, ndrel ndâk njêng n’hanh hun hao neh dak lah trong mkra tam, ngăn ngên an mbơh ƀư tâm rnôk tâm boh kan ndrel lĕ rngôch Việt Nam-Hoa Kỳ n’hanh rgop khlay an 2 dak mkra nău jêh tâm lơh tâm su.