Tâm ăp rnôk tâm mâp, tâm nchră, rđau kan Việt Nam rnê prêh Thủ tướng Adylbek Kasymaliev ndrel rmôt kan ntoh măt gưl prêh Kyrgyzstan khâl Việt Nam, rnơm tâm rơh khâl mra pơk luh nau tâm boh kan nsum ndrel tâm boh âk ding đah bar dak, lah rjăp Việt Nam uănh khlay nau tâm boh kan nsum ma Kyrgyzstan. Bah năp nê, Thủ tướng Chính phủ Phạm Minh Chính ndrel Thủ tướng Adylbek Kasymaliev hŏ tât khâl ntŭk nkah ơm Kruanh Hồ Chí Minh tâm ntŭk kan Kruanh ta Thủ đô Hà Nội.

Thủ tướng Phạm Minh Chính hŏ mbơh ma Thủ tướng Kyrgyzstan Adylbek Kasymaliev tât ngih gŭ bah Wa Hồ, ndrel nau rêh, nau kan bah Kruanh Hồ Chí Minh têh ang ndrel trong tâm nchră ba dih ndrel nau vay ơm âk ntil bah rnoi mpôl Việt Nam, bah ăp nau geh, rup nkoch kơt dak ndrel ŭnh, gâr kông Đông Sơn, tơm nam Việt Nam, ao dai Việt Nam ndrel bok rằn Nam Bộ...tâm ntŭk nkah aơ./.