UBND n’gor Gia Lai mhe n’gluh an dŏng siƀŭt mbrô mbơh nău ngăn hôm geh bri năm 2024, gay ntrôl dăng pah kan mât njrăng n’hanh hun hao bri ta n’gor. Tĭng nê, lĕ rngôch rnoh hvi neh bri lam n’gor Gia Lai geh rlău 650.600 ha. Tâm nê bri krŏng âk bơi 480.000 ha; bri tăm bơi 160.000 ha; hôm ƀa ƀă lah neh tăm si mô hŏ jêng bri. Rnoh âk nkŭm n’hâm bri ta n’gor geh 41,09%, rnoh âk nkŭm n’hâm bri nsum geh 47,59%.

UBND n’gor Gia Lai lah rjăp nău khlay bah nău mbơh hôm geh ngăn bri aƀaơ gay rhŏ dŏng an pah kan ôp uănh, groi nđôi n’hanh uănh năl ăp rnoh hvi neh bri tĭng di quy định. Nkre, đă ăp nhih pah kan dơi kan mbơh kloh rnoh nha hôm geh ngăn bri, đăp mpăn kloh rvah gay ăp mpôl kan, ăp nuĭh rƀah gĭt n’hanh tĭng ƀư nău dơn kan geh tât. Aơ lah ntŭk nsing khlay gay mât mât njrăng bri nâp dăng, đăp mpăn ăp rnoh tât hun hao wăng sa- rêh jêng kon nuĭh nkre đah mât njrăng ntŭk gŭ rêh bri dak.