Di nkah 94 năm nar ndâk Đoàn druh ndăm Cộng sản Hồ Chí Minh (26/3), Thủ tướng Phạm Minh Chính mhe geh nar tâm mâp măt, tâm nchră đah druh ndăm đah nkô̆ “Druh ndăm Việt Nam leo trong lor hun hao khoa học, công nghệ, ntrơn rgâl blau mhe ndrel ntrơn rgâl mrô geh dak”. Tâm rnôk tâm nchră, Thủ tướng Phạm Minh Chính ndrel rđau kan ăp n’gâng kan, ntŭk kan hŏ ơh ăp nau ôp bah druh ndăm mpeh âk nau kan khlay, geh: ndâk blau mhe, hun hao khoa học mhe; hun hao nŭih ƀư nau kan nâp prêh, ngăn lah tâm nau kan công nghệ, nau kan rgum ndrel rdâng nŭih blau.

Thủ tướng đă druh ndăm Việt Nam ƀư ueh nuih n’hâm leo trong lor, blau nau mhe đah “5 năm nchrăp” tâm nau hun hao khoa học công nghệ, rgâl blau mhe ndrel ntrơn rgâl mrô neh dak; Nchrăp tâm nau ntĭm nti, mĭn khoa học, dŏng nau kan mhe, ntơn rgâl mrô; Nchrăp râng tâm nau ƀư jêh nau kan, ntrơn rgâl ntŭk ntu ƀư nau kan tăch rgâl; Nchrăp tâm nau mât blau mhe ndrel dŏng ân tam nau kan; Nchrăp tâm nau ndâk nau kan, ntrơn blau mhe, ntrơn rgâl mrô; Nchrăp tâm nau tâm n’ur, tâm rnglăp lam ntur neh./.