Rƀŭn nchră geh tât râng bah 310 đại biểu lah nuĭh geh soan n’hanh rnăk wâl tahen khĭt kăl e tât bah 34 n’gor, nkual ƀon têh ta lam dak. Ta rƀŭn nchră, Thủ tướng ndrel ăp đồng chí kruanh Đảng, Ngih dak an ndơ nkah gĭt ăp Mê̆ Việt Nam janh dăng, jao an ndơ ân nuĭh rnăk wâl tahen khĭt kăl e n’hanh rgŏ jă ntrong leo “Rsơl plơng”.

Ntoh ngơi ta rƀŭn nchră, Thủ tướng Lê Minh Hưng lah rjăp lĕ nău kan mât, nkah gĭt ăp săk rnglăy dơi geh bah nău roh têh kuăng bah ăp rơh hăn lor; đă lôch jêh tay nău kơl an nuĭh geh soan, ntrôl dăng joi, rgum, năl săk nting tahen, mât uănh ueh lơn nău rêh ăp rnăk dơi kơl n’hanh n’hao ntĭm nti way ơm rŏng dak an rơh druh ndăm. Nkre, Thủ tướng kuăl jă lĕ rngôch kon nuĭh rƀŏng tĭng ntrong leo ntrôl dăng mât uănh nuĭh geh soan đah cách mạng, rƀŏng tât nkah gĭt 80 năm Nar Tahen sôt rmanh-Tahen khĭt kăl e.