Thủ tướng lah na nê̆, gay ma doanh nghiệp ngih dak ngăn lĕ jêng “Mpôl kan khlay bâh n’gâng kan wăng sa ngih dak” leo kan lĕ rngôch ăp nău wăng sa êng, dŭt khlăy an geh uănh năl ăp nău kŏ văk tâm nău kan, nău kơl kan đah nkual doanh nghiệp aơ.

Thủ tướng đă ăp đại biểu rgum tâm nchră, uănh năl an tâm di nău kan bâh doanh nghiệp ngih dak aƀaơ, bâh nĕ ƀư kloh na nê̆ nkô̆ mpŏng pă dăp nău kan, rgâl mhe nkual doanh nghiệp ngih dak an tâm di đah nău ngăn bâh Việt Nam. Aơ lah nău kan kơl an nău leo ƀư uănh năl lĕ rngôch ƀư tĭng Nghị quyết 12- NQ/TW mpeh njêng tay nău kan, rgâl mhe n’hanh n’hao an săk rnglăy nău geh doanh nghiệp ngih dak gay ma mbơh tơih an n’gâng kan chính trị uănh n’hêl, ndơ̆ mbơh an BCH Trung ương khóa 13. An geh uănh năl ƀư kloh na nê̆ lơn mpeh nău ƀư tĭng ntuh kơl n’hanh săk rnglăy ntuh kơl bâh doanh nghiệp ngih dak tâm ba năp nơh gay ma bâh nĕ uănh năl ăp nău kŏ văk, jêr jŏt an geh doh rklaih.