Nkhêp geh râng rơh tâm nchră nsum gưl têh Đại hội đồng Liên hợp quốc Khóa 78 ta New York, Hoa Kỳ, kêng măng 22/9 (mông ta ntŭk), Thủ tướng Chính phủ Phạm Minh Chính hŏ mâp Tổng thống Burundi. Ta rơh mâp, Thủ tướng Phạm Minh Chính lah rjăp Việt Nam uănh khlay ntrŭt ntrôl tâm rnglăp n’hanh tâm boh đah ăp dak châu Phi, tâm nê geh Burundi.

Thủ tướng rhơn rnê n’hanh lah uĕh Chính phủ Burundi hŏ ŭch kơl trong nchrăp ntuh kơl viễn thông bah doanh nghiệp Việt Nam ta Burundi, rgop an nău hun hao wăng sa- rêh jêng kon nuĭh bah dak tơm jay. Thủ tướng dăn đă Burundi nta trong dơh an ăp doanh nghiệp Việt Nam gŭ kan ta Burundi. Nkre, Thủ tướng dăn đă bar ding n’hao dăng tâm rsong tăch rgâl, tâm boh tuch tăm. Bar ding tâm ban ŭch mbra n’hao dăng tay tâm boh n’hanh tâm kơl nsum ta ăp rơh rgum nchră âk ding tâm ban kơt ntrŭt ntrôl ƀư ntung njŏ tâm boh bah nar dak ASEAN, Liên minh châu Phi (AU) đah ASEAN n’hanh AU.