Thủ tướng uănh năl, tâm năm 2025, Chính phủ răng dăng ntĭm đă, ntrŭnh mbơh âk nău kan nău kơl kan, kơl doh rklaih âk nău jêr an ntŭk tăch rgâl, ngăn lah ta trong kan ntŭk rêh jêng, tât aƀaơ lĕ ƀư lôch rlău 100 rbăn ngih jay. Đah nău kan bôk năp n’hanh nău ngăch geh aƀaơ, nkô̆ ŭch ƀư lôch 1 rkeh jay gŭ ta ntŭk rêh jêng ta năm 2028 mbra dơi geh ơm lơn đah nău nchrăp lah 2 năm. Yơn lah, Thủ tướng ntĭm đă na nê̆ nău ngăn dôl geh đah nău mhe aƀaơ, ngăn lah nău uưch rvăt jay gŭ bâh rmôt nuĭh nău geh đê̆ hôm nha geh âk nău mô tŏng , mô tâm di. Ta rơh rƀŭn nchră, Thủ tướng đă Rnâng kan an geh dơn ngoăy nău mĭn kan, rgum tâm nchră doh rklaih ăp trong kan hun hao rnoh mpôl aơ, nkre lah n'’ao rnoh jay gŭ pă an âk nuĭh tâm ntŭk rêh jêng, mât đăp mpăn nău tâm di geh gŭ dŏng jay mhe bâh nuĭh ƀon lan, ntop mât đăp mpăn nău rêh jêng n'’anh đăp mpăn ntŭk tăch rgâl geh ueh lăng nâp nâl lơn.