Kêng măng 4/3, Thủ tướng Phạm Minh Chính ƀư tơm nar nchră đah ăp ntŭk kan tăch rgâl bah ASEAN. Ta rnôk tâm nchră, ntoh măt rmôt kan ndrel ntŭk kan bah ASEAN rnê prêh ntŭk kan ntuh kơl ta Việt Nam, uănh aơ lah ntŭk tât ueh; nkre lah đă âk nau geh tât nau kan hành chính, soay, rnoh điện ndrel tăch rgâl điện tử. Rđau kan ăp n’gâng kan, ntŭk kan Việt Nam hŏ ơh nau tât ăp nau đă bah ntŭk kan. Ntoh nau tâm rnôk tâm nchră, Thủ tướng lah rjăp nau tâm boh Việt Nam-ASEAN lah nau mpơl ân nuih n’hâm tâm rnglăp, tâm boh tâm kuăl geh nau dơi.

Việt Nam uănh ASEAN lah nau kơl an ndrel ton mra ndâk nsum mpôl ASEAN nâp nâl. Thủ tướng ŭch ăp ntŭk kan ASEAN pơk hvi nau tâm ntuh kơl tăch rgâl, jao nau kan mhe, rgop ân jêh nkô̆ nau kan, rgop nau ntĭm nti nŭih kan blau, mât ƀư blau, rnoh prêh, nsôih geh nau kan tâm boh văng sa geh nau dơi đah Việt Nam ndrel ăp dak ASEAN. Tâm nê, ntrŭt dăng tâm nthoi văng sa, hun hao ntŭk ntu mrô, ŭnh nar ndrel rdâng rgâl mhe trôk nar./.