Ôi 29/10, Thủ tướng Chính phủ Phạm Minh Chính, Kruanh Ban ntĭm rđău Ngih dak njrăng, n’gang srê Covid-19 (Ban ntĭm rđău) ƀư tơm rƀŭn nchră N’glôch jêh trong kan njrăng, n’gang srê Covid-19. Rƀŭn nchră dơi boăt nthoi trực tuyến bah ntŭk ƀoh ta Ngih Chính phủ tât 63 n’gor, nkual ƀon têh mpeh tâm Trung ương.

Jêh djăt ăp nău rgop ntoh ngơi, n’glôn jêh rƀŭn nchră, Thủ tướng Phạm Minh Chính mĭn lah, lơh dơi srê Covid-19 lah lơh dơi bah Nuĭh ƀon lan, đah nău rđău ngăch bah Đảng Cộng sản Việt Nam, Ban Chấp hành Trung ương, N’gâng kan Chính trị, na nê̆ lah Tổng Bí thư Nguyễn Phú Trọng. Mpeh trong nchrŏng, nău kan năm tât Thủ tướng đă, lôch jêh tay trong ƀư, nău kơl; dôh rklaih ăp jêr jŏt wăk kol hôm e nkân tâm trong kan njrăng, n’gang srê tâm nĕ rrgum mkra ăp nău jêr, wăk kol tâm pháp luật an aƀaơ n’hanh ndâk ƀư trong pháp lý tâm ban, tŏng ăp, tâm di, tŏng ngăch nău đă njrăng, n’gang srê ngăn lah mpeh rwăt năp dak si, vaccine, ndoh ndơ dak si tâm ăp nu nău, n’ăp tâm nău ndal.