Ôi 7/10, Thủ tướng Phạm Minh Chính hŏ ƀư tơm Rơh hop Chính phủ đah ăp n’gor gay uănh năl nô nău wăng sa- rêh jêng kon nuĭh khay 9 n’hanh an ƀư nău kan kêng dŭt năm. Tĭng nău mbơh bah Bộ Kế hoạch n’hanh Đầu tư, hun hao 9 khay âk rlău rđĭl đah trong nchrăp ndơ̆ luh, GDP Quý III hao 7,4%, kơp nsum 9 khay hao 6,82%. Lĕ 3 ntil nău kan tuch tăm, công nghiệp n’hanh rhŏ dŏng hun hao uĕh da dê. Tâm n’guăk jâng wăng sa rgâl uĕh tay.

Mpeh nău dơn kan, trong nkra rgum tơm khay 10, quý IV năm 2024 n’hanh let năp tay Thủ tướng Phạm Minh Chính đă ăp gưl, ăp n’gâng kan, ăp n’gor tĭng ƀư ăp kôp tay, lĕ n’hâm suan ăp nău dơn kan, trong nkra đah nuih n’hâm: nsrôih lĕ suan – Mbrôn lĕ săk- dâk kan lĕ nuih n’hâm – nsrôih tĭng ƀư geh nău dơi lam lĕ rngôch ăp rnoh tât kan, nău dơn kan bah năm 2024 nta trong nsan hao an năm 2025. Tâm nê, lôch jêh nău rdâk njêng jay gŭ an ăp rnăk geh roh nhih jay ta ntŭk geh trôk nar lơh, ntrŭt ntrôl n’gluh tơm prăk ntuh kơl 140.000 rmen prăk an ƀư jay gŭ thuk prăk; tâl prăm lah ntrôl dăng ƀư njêng tăch rgâl nta joi geh trong rêh an nuĭh ƀon lan, n’hao nuih n’hâm drăp ndơ bah nuĭh ƀon lan geh dŏng văn hóa, lơn lah nkra bah dak bŭk lơh mhe aơ n’hanh ntrôl dăng ntuh kơl gay njêng suan ntrôl an hun hao wăng sa rêh jêng kon nuĭh./.