Măng 7/10, ta ntŭk kan Chính phủ, Thủ tướng Phạm Minh Chính ƀư tơm nar rƀŭn Thủ tướng Chính phủ đah ăp n’gâng kan, ntŭk kan ntoh măt Việt Nam tâm dak ba dih, ăp mrôt kan, ntŭk kan gay tâm nchră nau nchrăp rdâng đah ntrong kan mhe mpeh tăch rgâl bah lam ntur neh. Ntoh nau tâm nar rƀŭn, Thủ tướng Phạm Minh Chính mbơh kloh: Lam ntur neh ntrơn rgâl ngăch, jêr rdâng, âk nau jêr, nau tât. Đah Việt Nam, nau nchâp rnoh soay hao tât 46% mra khuch ngăn tât nau kan tăch luh, khuch ngăn tât âk nŭih pah kan, ntŭk ƀư kan tăch rgâl.

Jêh rnôk djăt nau rgop mbơh bah Kruanh ntŭk kan ntoh măt Việt Nam tâm dak ba dih, Thủ tướng ân lah: Ăp nau tât ndrel nau kan rdâng đah ăp nau soay mhe, ngăn lah soay đor lor, âk ntil ndrel êng êng, nsing tâm nau geh tât bah jâng văng sa. Thủ tướng đă ntŭk kan ntoh măt dak nơm tâm dak ba dih mbơh nau kan, ntrong kan, nau dơi rdâng gleh khay ndrel dơi rdâng jŏ năm đah ăp dak bah nau kan Hoa Kỳ n’hao rnoh soay./.