Ôi ntri (10/2), Rnâng kan Chính phủ geh rơh mâp doanh nghiệp mpeh nău dơn kan, trong nkra gay doanh nghiệp bah dih ngih dak hun hao ngăch, đăt ndal, rgop hun hao neh dak ngăch, jŏ jong tâm rơh mhe. Thủ tướng lah rjăp, năm 2025, Chính phủ mbra jao rnoh tât hun hao lĕ rngôch ăp n’gor, ăp n’gâng kan geh tât, ăp doanh nghiệp ngih dak. Tĭng Thủ tướng, lah hun hao mbrơi mbrơi ri mô dơi geh 2 rnoh tât hun hao 100 năm. 

Ŭch kơt nê năm 2025 ân hun hao dŭt đêt 8% GDP gay njêng jâng nsan, suan ntrôl, nta trong dơh an ăp năm bah kơi tay hun hao 2 keh mbrô n’hanh nău dja dŭt ŭch geh nău rgop bah mpôl doanh nghiệp, lơn lah ăp doanh nghiệp têh. Thủ tướng Phạm Minh Chính dăn đă ăp doanh nghiệp mĭn uănh mbra moh ndơ dơi ƀư ri đăng ký ƀư n’hanh dăn đă trong kơl gay ƀư, djăt mô nsĭt geh êng du hê nơm, njrăng n’gang sa khâm, tih djơh. Thủ tướng Chính phủ mpŏng kruanh rđău kan ăp doanh nghiệp bah ngăn geh, ơm tă gĭt kan, nău dơi, đah nău rŏng lĕ nuih n’hâm nău kan, nuih n’hâm kơl an, nănh rgop nău đah nuih n’hâm di nuih n’hâm ngăn, sŏng dăng, lĕ rngôch an ma hun hao bah neh dak, yor nău hơm răm rhơn mƀak bah ƀon lan.