Ôi ntri 1/11 (tĭng mông ta ntŭk nê) lôch rnôk hăn khâl nkual công nghiệp Ras Laffan Thủ tướng Chính phủ Phạm Minh Chính ndrel I ur n’hanh mpôl ntơh măt gưl têh Việt Nam hŏ hao ndeh păr luh bah Qatar dŭt jêh uĕh lăng hăn khâl tât pe dak Trung Đông.

 Hăn khâl bah Thủ tướng hŏ geh nău dơi uĕh lăng, tât rnoh ndơ̆ luh đah âk nău dơi khlay, ngăn ngăn, rgop rdâk nâp tay n’hanh n’hao dăng tâm boh tâm rnglăp, tâm boh pe dak. Kruanh rđău kan pe dak rong an mông nar wơt dŭt ăp dăp an kruanh rđău kan gưl têh ngih dak he an saơ lĕ pe dak uănh khlay tâm boh đah Việt Nam da dê tâm trong kan rƀŏng mpeh “Luh nar”, nkre uănh khlay Việt Nam lah dak tâm boh khlay dâk bôk năp ta Đông Nam Á. Ăp nău dơi hŏ geh tâm trong hăn  khâl bah Thủ tướng Chính phủ mbra dơi an ƀư geh nău tam, rgop n’hao tâm boh tâm rnglăp n’hanh tâm boh lam lĕ rngôch Việt Nam n’hanh UAE, Ả-rập Xê-út n’hanh Qatar nar lơn ma hun hao lam lĕ  rngôch, tâng jru, nsĭt nău dơi geh ngăn  ngăn an nuĭh ƀon lan, doanh nghiệp bar ding, rgop tâm nău đăp mpăn n’hanh hun hao bah nkual n’hanh lam ntŭr neh tâm ban kơt rgop ndơ̆ n’hao Việt Nam nâp jâng chuat lăp tâm rơh hun hao mhe, rơh hun hao mhe bah rnoh nuĭh.