Kêng măng 25/9 tĭng mông ta ntŭk, tâm trôm rơh khâl na nê̆ Cộng hòa Liên bang Brazil, Thủ tướng Chính phủ Phạm Minh Chính lĕ tât khâl ngih pah kan n’hanh mâp cán bộ, nuĭh kan bah Đại sứ quán Việt Nam n’hanh ăp ngih pah kan ntoh măt bah Việt Nam ta Brazil. Ntoh ngơi ta rơh mâp, Thủ tướng Chính phủ Phạm Minh Chính djôt dơn, uănh lah prêh Đại sứ quán lĕ nchrăp uĕh an rơh khâl bah mpôl đại biểu gưl prêh Chính phủ rơh aơ.

Thủ tướng đă Đại sứ quán tĭng ngăn, mbơh ƀư săk rnglăy uĕh n’hanh tâm ton kan ndrel lĕ ký di rơh khâl gay rgop ntrŭt ntrôl tâm boh kan ndrel lĕ rngôch Việt Nam-Brazil hao prêh mhe tâm năm tât. Thủ tướng Phạm Minh Chính đă ăp cán bộ, nuĭh kan Đại sứ quán rgum nău kan ntrôl tâm nđŭr văn hóa, ntĭm nti, thể thao n’hanh tâm nđŭr nuĭh ƀon lan; tâm rgop đah ăp rƀŭn nchră âk ding gay kơl, ntop an ndrel, lơn lah kơl nău ƀư ta n’gul bah ASEAN tâm nău Biển Đông.