Di rnôk khâl ngăn tât ăp dak jê̆ Ả-rập dơn ngoai (UAE), Thủ tướng Chính phủ Phạm Minh Chính khâl ntŭk ân ndeh ô tô điện bah Vinfast ndrel râng nau ntơm ntoh măt săk ntơ ndeh ô tô Vinfast. Thủ tướng rnê prêh nau nsôih, nau ntoh măt bah VinGroup, Vinfast ta UAE rhop nau ntrŭt dăng tâm boh đah bar dak ndrel ntrơn rgâl ndrih tâm nkuăl Trung Đông, ŭch ăp nŭih ƀon lan ta Trung Đông mra ŭch ndrel dŏng ndeh điện bah Vinfast.

Thủ tướng ŭch VinGroup, đah nau kơl an bah Chính phủ ndrel nŭih ƀon lan UAE, mra nsôih ndrel ma ăp dak kan nsum UAE râng gay hun hao nau kan, ntrŭt dăng nau ntrơn rgâl mrô ndrel hun hao nau kan mhe ntoh ta Việt Nam. Thủ tướng đă mpeh UAE kơl an Vinfast lah êng ndrel Việt Nam lah nsum, ndrel ma Việt Nam ƀư ueh nau tâm ton CEPA bah ăp nau kan, ndoh ndơ n’hêl, leo nsĭt nau săk tam ngăn, ŭch ƀon lan UAE ŭch rŏng Việt Nam ndrel ăp ntil ndoh ndơ bah Việt Nam./.