Tĭng nău mbơh tơih bâh n’gâng kan mbơh nău mhe tâm năm 2024, rgâl mhe rnoh mbrô ngih dak, ngăn lah mbơh tơih Bôk nău kan mbrô 06 an geh tay âk njoat hăn têh mhe, khlăy, ntoh lư lah: Nău kan ntĭm đă, leo kan  tă geh nău blău kan, ueh tâm di lơn, nău leo ƀư pah kan geh mbơh tơih răng dăng, tâm ban đah nău nsrôih bâh Trung ương tât ntŭk kan ba dâng. Lah na nê̆ nău kan tâm let năp tay lah dŭt âk ngăn, Thủ tướng đă an geh n’hao ngăch n’hanh geh nău mhe. Thủ tướng đă pă jao nău kan na nê̆ an ăp n’gâng kan ntŭk kan, ăp ntŭk ngăch ndăn rdâk njêng, ntrŭnh nău nchrăp kan ƀư tĭng bôk nău pah kan bâh Chính phủ ƀư tĭng Nghị quyết 57-NQ/TW, nkre lah rdâk njêng kôp nău mpŏng kan uănh năl, ăp khay veh kơp, mbơh tơih na nê̆ nău tă kan, uănh năl nău ƀư lôch trong kan knơm ta nău geh ƀư tĭng. Nău nchrăp kan an geh ƀư na nê, mô geh ƀư an lôch dơm. Nsrôih tât lĕ năm 2025 geh 80% nău kan trực tuyến ta lam ntŭk, 40% rnoh nuih têh jêng bâh geh dong dịch vụ công trực tuyến, lĕ rngôch hồ sơ geh pah kan hành chính geh ntrŭp rnoh mbrô êng săk nơm