Tâm rơh pah kan aơ, ăp nău kan bâh Thủ tướng Chính phủ Phạm Minh Chính n’hanh mpôl pah kan lĕ geh nău dơi ueh đah 3 nău geh tơm ntoh lư, ntop n’hao nău tâm knơm chính trị, ndâk nsơm tâm boh kan 2 ding Việt Nam- Trung Quốc.

Rơh tâm nchră đah Thủ tướng Phạm Minh Chính n’hanh Thủ tướng Trung Quốc Lý Cường geh ntrôl tâm kơl tay na nê̆, ngăn lah mpeh wăng sa, tăch rgâl đah Việt Nam n’hanh Trung Quốc lah nsum n’hanh đah ăp ntŭk Việt Nam đah Quảng Tây -Trung Quốc lah êng. Ta rơh rƀŭn nchră Trung Quốc- ASEAN rơh aơ, Việt Nam lĕ knơm ăp nău tâm kơl ta trong kan CAEXPO mbra lah ngoăy tâm âk nău nsrôih tơm khlăy ntrôl an hun hao nsum lĕ rmôt kan ASEAN-Trung Quốc, ndơ̆ nău tâm boh tâm kơl wăng sa, tăch rgâl, ntuh kơl n’hanh pal nđaih đah Trung Quốc đah ăp dak ASEAN, tâm nĕ geh Việt Nam hao du njoat mhe.