Kêng măng 274/10, (tĭng mông ta ntŭk), ta Thủ đô Abu Dhabi, tâm rơh khâl na nê̆ Ăp Tiểu vương quốc Arab thống nhất (UAE), Thủ tướng Phạm Minhg Chính ndrel I ur Lê Thị Bích Trân n’hanh mpôl đại biểu gưl prêh Việt Nam mâp cán bộ, nuĭh kan Đại sứ quán Việt Nam n’hanh nsum mpôl nuĭh Việt Nam ta UAE.

Ntoh ngơi ta aơ, Thủ tướng Phạm Minh Chính mĭn lah nău mĭn êng bah Đảng, Ngih dak uănh nsum mpôl nuĭh Việt Nam ta dak bah dih lah nsum n’hanh ta UAE lah êng gưl nuĭh mô dơi nkhah êng bah nsum mpôl rnoi nuĭh Việt Nam. Đảng, Ngih dak uănh mĭn mro, nta nơih, mât uănh, ntop kơl an kônh wa đăp mpăn, tâm rnglăp ndrel tâm nău rêh jêng ntŭk gŭ, nkre ntrŭt đă nta an kônh wa rƀŏng sĭt ƀon tơm, rgop uĕh an nău kan ndâk njêng neh dak n’hanh mât njrăng neh dak.