Thủ tướng Phạm Minh Chính ndrel mpôl ntơh măt gưl têh Việt Nam hŏ tât San Francisco, ntơm hăn pah kan ta Hoa Kỳ, râng rơh tâm nchră nsum gưl têh khóa 78 Đại hội đồng Liên Hợp Quốc. Nkhêp geh nar dja, nuĭh mât bôk kan chính phủ Việt Nam nchrăp mbra geh rơh mâp bar ding, mâp n’hanh ôp srĭng nău kruanh rđău kan n’gâng kan, Quốc hội Hoa Kỳ, râng du đêt nău kan geh tât wăng sa, tăch rgâl đah bar dak.

Ntŭk rlu jâng bôk năp bah Thủ tướng Phạm Minh Chính ta Hoa Kỳ lah San Francisco đah âk nău kan khlay. Lơn lah, Thủ tướng Phạm Minh Chính mbra râng n’hanh lah ta rgum nchră Doanh nghiệp Việt Nam - Hoa Kỳ 2023 đah nkô̆ “N’hao têh tâm boh Việt Nam - Hoa Kỳ n’hanh lah rnôk an doanh nghiệp bar dak”. Nuĭh mât bôk kan Chính phủ Việt Nam hŏ tât  khâl du đêt doanh nghiệp công nghệ bah Hoa Kỳ ta Thung lũng Silicon; khâl n’hanh pah kan ta công ty njêng chip bán dẫn NVIDIA; khâl pah kan ta công ty Meta.

Jêh rnôk tât nkual ƀon têh San Francisco, Bang California, Mỹ, Thủ tướng Chính phủ Phạm Minh Chính hŏ geh rơh mâp ma âk ƀon lan Việt Nam ta Mỹ.

Tâm rnôk mâp, ntoh măt bah ƀon lan nơm ntoh nau rhơn rnôk Việt Nam ndrel Mỹ jêng dak kan sum, ngăn lah rhơn tât ăp nau tă dơi geh hun hao văng sa, rêh jêng bah neh dak tâm rơh rlau aơ, ngăn lah ndâk njêng ndrel hun hao văng sa rêh jêng jêh bah srê Covid-19, lŏ tâm rnglăp ma lam ntur neh jri, n’hao nau dơi, nau rnơm tâm dak ba dih, Lah rjăp lah ntrong kan khay mô dơi nkah bah nsum mpôl rnoi Việt Nam kơt Đảng, Ngih dak nơm lah rjăp, nŭih ƀon lan nơm ŭch lŏ ƀư ngăn ăp nau ntrŭnh  geh tat nting mham, nuih n’hâm kônh wa gŭ tâm dak ba dih geh rgop âk lơn ân nau kan ndâk njêng neh dak ndrel bun dăp nau tâm boh Việt Nam-Mỹ, nsum mpôl nŭih Việt Nam ta Hoa Kỳ lah nsum ndrel kônh wa ta California lah êng geh nau rgop khlay, Thủ tướng lah rjăp, Đảng, Ngih dak mri uănh kơl an ƀon lan Việt Nam tâm dak ba dih, ŭch tâm rơh tât, nsum mpôl ƀư kan tăch rgâl, ăp nŭih geh nau blau, ƀư kan khoa học nŭih Việt Nam ta Mỹ lŏ hăn ndrel ma nau hun hao bah neh dak.