Ôi 21/10, ta rơh rƀŭn tal 8, Quốc hội gưl XV, ntoh măt Chính phủ, Thủ tướng Phạm Minh Chính mbơh nau tă geh dơi ƀư nau nchrăp hun hao văng sa, rêh jêng năm 2024, nchrăp nau kan hun hao văng sa, rêh jêng năm 2025. Tĭng nau mbơh, 9 khay, nau văng sa rêh jêng bah neh dak geh âk nau dơi khlay, âk lơn rơh aơ năm e tâm ăp nau kan. Nchrăp lôch năm geh 14/15 nau kan geh dơi ndrel rlet rlau. Nau văng sa đăp mpăn, hao khlay geh nkân, hun hao văng sa geh âk lơn nau nchrăp luh.

Mpeh ăp nau kan, ntrong kan tâm ăp khay dŭt năm 2024, Thủ tướng Phạm Minh Chính mbơh kloh: Ăp gưl kan, ntŭk kan, ăp nkuăl tâm ăp nau dơi lŏ ƀư tâm ban, săk tam nau kan, ntrong kan. Tâm nê lŏ nsôih rklaih nau kuch, ngăn lah phŭt mrô 3. Nchrăp, nsôih rgum nau kan gay ƀư nau kơl, tâm nê đăp mpăn mô ân nŭih mô tŏng sa, mô tŏng nsoh, mô geh ntŭk gŭ, ăp nau kon se ân geh hăn nti, nŭih ji ân geh săm, kơl an kon ntil, mpa rong, ndâk ndrel hun hao tuch tăm, tăm bri, tui ka./.