Thủ tướng Phạm Minh Chính mbơh tơih mpeh nkô̆ nău wăng sa- rêh jêng ta rơh rƀŭn ntơm pơk tal 6, Quốc hội khóa 15
Thứ ba, 09:48, 24/10/2023
VOV Tây Nguyên/Nuĭh rblang: Thị Đoắt
VOV Tây Nguyên/Nuĭh rblang: Thị Đoắt
VOV4.M'nông - Ôi lơ 23/10, Thủ tướng Phạm Minh Chính mbơh tơih mpeh nău wăng sa- rêh jêng ta rơh ntơm pơk rƀŭn nchră tal 6, Quốc hội khóa 15. Thủ tướng Phạm Minh Chính an gĭt, nău wăng sa têh bôk năp lĕ đăp mpăn, lạm phát lĕ dơi geh mât njrăng, hun hao geh ntrôl, ăp nău kan têh lĕ geh mât đăp mpăn.
Hun hao GDP 9 khay tâm năm geh 5,33%, uănh nsum 9 khay geh 4,24%. Rnoh ndơ dŏng CPI râng geh 9 khay hao 3,16%. Ntuk geh prăk kaih , prăk bâh dak bah dih lĕ đăp mpăn, nău geh prăk kon hŭch. Tăch rvăt ndơ bâh dak bah dih hao ăp khay, 9 khay tăch an bơi tât 22 rmen đôlar.
Mpeh nău kan, trong kan dŭt âk tâm ăp khay dŭt năm 2023, Thủ tướng Phạm Minh Chính lah na nê̆ mbra an lor ntrôl dăng hun hao, mât nâp đăp mpăn hun hao wăng sa têh, njrăng lạm phát, mât đăp mpăn ăp nău kan tâm ban têh bâh n’gâng kan wăng sa, rgum ƀư tĭng ăp trong kan ntrôl dăng ăp nău kan hun hao (ntuh kơl, dŏng ndơ, tăch ndơ an dak bah dih, dŏng ueh ăp nău nkhêp tăch rgâl tâm dak nơm, dak bah dih ta rơh dŭt năm, lễ, tết.
Viết bình luận