Kêng măng lơ 2/2 lơ 5 Tết, ta Lạng Sơn, tâm nău ntoh n’gôr vơt rhơn kahgit 95 năm nar njêng Đảng Cộng sản Việt Nam 3/2, lam dak vơt rhơn năm mhe Ất Tỵ, Thủ tướng Phạm Minh Chính leo rơh rƀŭn nchră đah ăp n’gâng kan, ntŭk kan mpeh nău ntrôl dăng ngăch ƀư nău kan ƀư trong têh Đồng Đăng (Lạng Sơn)- Trà Lĩnh (Cao Bằng) n’hanh Mpông n’har bri Hữu Nghị- Chi Lăng. Thủ tướng lĕ rlu jâng ta 4 ntuk ƀư 2 nău kan aơ, n’hao nuih n’hâm, pă ndơ Tết an cán bộ, nuih kan ta ntŭk ƀư trong. Lah na nê̆ tay ăp nkô̆ mpong kan ƀư lôch 2 trong têh aơ tâm năm 2025 gay ma ntop mbluh ueh aih trong hăn bâh Cao Bằng tât Cà Mau tâm năm aơ, Thủ tướng rnê nău nsrôih, nău pah kan lĕ nar tết ta ntŭk bư trong 2 ntŭk aơ. Thủ tướng rnê âk n’hanh đă tơm ntuh kơl, ăp nuĭh dơn ƀư trong an geh nsrôih, rlet rlău nău kan gay ma ƀư ngăch, ƀư ndăn, n’hao nuĭh kan, may mok, ndơ dŏng nău kan, n’hao geh dŏng khoa học công nghệ, rgâl mhe nău min kan, mât đăp mpăn ta ntŭk ƀư trong, mât đăp mpăn nău ngăch n’hanh nsrôih ƀư lôch an hăn ndrel đah n’hao nău ueh di pah kan.