Thủ tướng an lah, ngân hàng lah trong mham bâh n’gâng kan wăng sa, trong mham ma mô hoch ri rnoh prăk kaih mô ueh, nău kơl mpeh prăk kaih mô ueh rĭ mbra khuch âk tât nău đăp mpăn wăng sa têh, tât hun hao. Năm 2025 lah năm geh khlăy ngăn, lah năm hun hao, an geh nsrôih hao GDP geh dŭt đê̆ lah 8%. Thủ tướng đă an geh ntrôl tay ăp nău kan an hun hao ntŭk kan mbơh tơih nău mhe lah tăch ndơ an dak bah dih, dong ndơ n’hanh ntuh kơl, đă ăp ntŭk kan n’gâng kan rgum mĭn uanh tay ăp rnoh an manh đah ăp nuĭh mom ŭch geh jay gŭ. Đah trong kan: rnoh kan ntơm bâh nău min n’hanh nău mpŏng uănh, nău nsrôih ntơm bâh nău rgâl mhe n’hanh min kan mhe, soan dăng ntơm bâh ƀon lan n’hanh doanh nghiệp. Thủ tướng đă sok mâng ntrôl ngân hàng gay ma n’hao, sok dŏng nău dơi êng, rơh nkhêp mhe ntoh lư, nău dơi tâm rlong, njêng nău nsrôih, nău dăng mhe tâm hun hao neh dak.