Lơ 26/2, Thủ tướng Chính phủ Phạm Minh Chính lĕ geh nar pah kan đah Thủ tướng Malaysia Anwar Ibrahim nkhêp di Thủ tướng khâl Việt Nam n’hanh râng Rƀŭn nău rêh rgŏ năp ASEAN rơh tal 2 ta Hà Nội. Ta rơh mâp, Thủ tướng Phạm Minh Chính lah rjăp rơh khâl dŭt n’hâm geh nkô̆ tâm rnôk 2 dak mhe n’hao tâm boh hao Kan ndrel têh lĕ rngôch n’hanh Malaysia aƀaơ dôl mât ƀư tơm Kruanh ASEAN.

Mpeh trong kan ndrel tâm năm tât, 2 ding tâm ban ŭch n’hao tâm rgâl mphung kan n’hanh tâm mâp gưl prêh n’hanh ăp gưl ta ăp trong; ƀư rơh rƀŭn tal 8 Ủy ban Hỗn hợp mpeh Kan ndrel wăng sa, khoa học, Kỹ thuật Việt Nam-Malaysia tâm năm 2025; ơm mbơh an Bôk nău ƀư tâm boh Kan ndrel têh lam hvi lvang 2025-2028; rƀŏng tât ký Sam ƀŭt nkah gĭt mpeh kan ndrel tâm ntil nău Halal; pơk hvi kan ndrel tâm ăp ntil nău kơt wăng sa mrô, wăng sa kloh uĕh, rgâl ŭnh nar tâm ban, khoa học công nghệ, rgâl mhe mĭn njêng, lŏ mir thông minh, chính phủ điện tử, rnă njrăng mạng.