Ôi ntri (30/10) ta Hà Nội, bah năp nău uănh saơ bah Thủ tướng Chính phủ Phạm Minh Chính, Tập đoàn Dầu khí Việt Nam (Petrovietnam) ndrel ăp băl tâm boh hŏ ký ton geh tât n’hanh an ƀư rêng nchrăp kan n’hâm - điện Lô B, ntơm jâng hăn khlay bah rêng nchrăp kan khlay dja.

Lah ta rơh lễ, Thủ tướng Phạm Minh Chính lah rjăp, aơ lah nar kan khlay bah n’gâng kan dak pring dơi uănh khlay bah ăp gưl, ăp n’gâng kan, ăp n’gor n’hanh nuĭh ƀon lan ntŭk nchrăp kan hăn rlău. Thủ tướng lah rjăp, tâm trong nchrăp, dăp rgum hun hao lam lĕ rngôch ŭnh nar gưl neh dak, Đảng n’hanh Chính phủ Việt Nam dŭt uănh khlay tât nău hun hao nâp dăng bah n’gâng kan dak pring Việt Nam, lơn lah hun hao công nghiệp n’hâm ŭnh. Tâm nê, ntrŭt nsôr nău ntuh kơl lơh dŏng n’hâm ŭnh ta mpeh dak lêng Việt Nam, lơn lah nkual dak jru, nklang dak lêng; an lor n’hoch n’hâm ŭnh sŏk lơh bah nklang dak lêng Việt Nam sĭt ƀư njêng điện n’hanh công nghiệp, ƀon lan dŏng./.