Ôi lơ 10/10, ta Hà Nội, Thủ tướng Phạm Minh Chính râng bôk nau kan Mbah rhơn nar ntrơn rgâl mrô neh dak năm 2023 yor Bộ thông tin ndrel Truyền thông ƀư. Ntoh nau tâm nar rƀŭn, Thủ tướng Chính phủ Phạm Minh Chính lah rjăp, ntrơn rgâl mrô lah du nau kan tơm, dôl geh dăng, jru tâm lam ntur neh. Âk nau kan ndrel nau ntrŭnh bah Đảng nkah jru ngăn mpeh nau ntrơn rgâl mrô, văng sa mrô, nau rêh mrô tâm ăp nkô̆ nau, nau mĭn hun hao ndrel rgâl mhe nau kan, uănh năl nau ntrơn rgâl mrô lah nau ngoai tâm âk nau khlay.

Năm 2023 lah năm rnoh mrô neh dak đah rnoh mrô lah rnoh geh bah neh dak, lah nau geh dơi bah hun hao, nơm ân geh gĭt kloh gay dŏng, ƀư ueh nau khlay bah rnoh mrô jêng tu tơm khlay ân hun hao văng sa, rêh jêng. Thủ tướng đă ăp n’gâng kan, ntŭk kan, nkuăl ân geh rgum ƀư jêh nau kan, nau dơi ân rnoh mrô, nau dơi mrô ndrel nau dơi tơm gay ntrŭt dăng rnoh mrô hun hao đăp mpăn, nâp nâl./.