Kêng măng (22/10), Thủ tướng Chính phủ Phạm Minh Chính lĕ tât râng Rƀŭn nchră “Mât uĕh n’hâm soan tâm dak, n’hao kan ndrel dak bah dih gay ntrôl dăng hun hao nău kan Halal Việt Nam”. (Nău kan công nghiệp Halal lah lĕ rngôch ăp nău kan công nghiệp rhŏ an nău bah nuĭh dŏng Hồi giáo kơt ndơ ngêt sa n’hanh dak ngêt, dak si, ndơ nkrơh rhơn, thời trang...).

Aơ lah nău ƀư bôk năp geh têh lam dak, têh ngăn mpeh Halal đah tât râng bah âk kruanh ăp N’gâng kan, nău kan, n’gor nkual ƀon têh ndrel 600 đại biểu râng na nê̆ n’hanh trực tuyến. Ntoh ngơi ta rƀŭn nchră, Thủ tướng Phạm Minh Chính lĕ nkoch nău geh bah Việt Nam tâm hun hao nău kan Halal ta Việt Nam. Thủ tướng mĭn lah, kan ndrel nău kan Halal lah ngoăy tâm ăp n’gâng tơm mhe tâm trong kan wăng sa lam ntŭr neh.

Thủ tướng kuăl jă nsum mpôl doanh nghiệp, ngăn lah ăp doanh nghiệp, doanh nhân dak bah dih tât ntuh kơl kan ndrel Việt Nam tĭng nuih n’hâm “3 ndrel”; ndrel djăt n’hanh wât ăp jêr jŏt ntŭl rlong; ndrel tâm nkoch trong uănh n’hanh ƀư tâm rnôk hun hao nău kan Halal kơt hệ sinh thái halal; ndrel ƀư, ndrel geh, ndrel dăng n’hanh ndrel hun hao.