Kêng măng 29/10, tâm rnôk hăn râng rƀŭn nchră Nau mĭn ntuh kơl ân tâm nau mhe rơh tal 8, Thủ tướng Phạm Minh Chính hŏ geh rơh tâm nchră ma kon ndăm Kđăch, Thủ tướng Ả-rập Xê-út Mohammed bin Salman Bin Abdulaziz Al Saud. Tâm rnôk tâm mâp nchră kloh, tâm boh tâm dăch, bar Thủ tướng rnê prêh ăp nhoat hun hao tâm nau tâm boh đah Việt Nam ndrel AE-rập Xê-út tâm 25 năm rlau aơ ndrel tâm ban nau tâm boh rjăp gay ntrŭt dăng tâm boh bar dak hun hao du nhoat mhe.

Tâm nê, bar rđau kan tâm ban ntrŭt dăng tâm nchră rmôt kan ăp gưl, ngăn lah rmôt kan gưl prêh lĕ bar ding ndrel êp rơh tâm nchră âk ding; leo nau tâm boh văng sa jêng n’gâng tơm bar ding, leo Ả-rập Xê-út jêng ngoai tâm ăp tơm ntuh kơl bôk năp ta Việt Nam ndrel rƀŏng tât nau n’hao nau geh tâm boh tăch rgâl bar ding hao rlau 10 rmen đola tâm năm 2030. Năl n’gâng tơm tâm boh bah bar dak lah nau ntrơn rgâl blau mhe, ntrơn rgâl ndrih, ntrơn rgâl mrô; leo nau ntĭm nti, pâl n’aih, pah kan, tâm n’ur ƀon lan jêng nau ƀư nâp ân tâm boh bah bar dak./.