Tâm rnôk hăn khâl ngăn ăp dak Ả Rập dơn ngoai (UAE), kêng măng 28/10, Thủ tướng Chính phủ Phạm Minh Chính hŏ tâm nchră ma Tổng thống nkre Thủ tướng UAE Sheikh Mohammed Rashid al Maktoum. Thủ tướng Chính phủ Phạm Minh Chính tâm mbơh đah Groi Tổng thống, Thủ tướng UAE mpeh ăp nau tă dơi geh khlay bah Việt Nam, ngăn lah tâm nau kan văng sa. Tâm nchră, bar rđau kan râng nau ký ton nau kan tâm boh văng sa ăp ntil, tâm boh tăch rgâl dah rŏng bôk năp bah Việt Nam đah du dak Ả-rập.

Aơ kŏ lah nau ton dah rŏng tăch rgâl geh mông tâm nchră ngăch ngăn bah Việt Nam, ntoh nau nsôih prêh bah rđau kan kŏ kơt lah ntŭk n’gâng kan bar dak gay njêng nau ueh tâm nau tâm boh văng sa, tăch rgâl, ntuh kơl bar dak, pơk luh trong têh, geh nau khlay ân Việt Nam lăp jru tâm ntŭk kan tăch rgâl bah Trung Đông. Đah ăp nau tâm nchră ăp ntil, nau tâm ton mra leo nsĭt nau geh tâm ban ân lĕ bar dak./.