Ôi nđaơ 9/2, Thủ tướng Phạm Minh Chính lĕ hăn uănh nđôi ta ntŭk n’hanh djăt nău mbơh mpeh nău nchrăp ƀư trong mper dak lêng Dung Quất-Sa Huỳnh rlău n’gor Quảng Ngãi n’hanh nău nchrăp ƀư Ntuh kơl ndâk ƀư trong têh hăn ngăch Bắc-Nam, lvang Quảng Ngãi-Hoài Nhơn. Ta Nău nău nchrăp ƀư trong mper dak lêng Dung Quất-Sa Huỳnh lvang rlău n’gor Quảng Ngãi, Thủ tướng Phạm Minh Chính lĕ ôp khâl nuĭh ƀon lan ntŭk aơ, an ndơ an nuĭh ƀon lan rdâk ƀư ta ntŭk, nkre djăt nău mbơh ngăch ƀư tĭng nău nchrăp ƀư.

Tĭng nău mbơh, nău nchrăp ƀư trong mper dak lêng Dung Quất-Sa Huỳnh geh dĭng lĕ jong trong bah trong nklăp 125km; ntơm bôk nthoi đah ntŭk n’glêh dŭt bah trong mper dak lêng bah n’gor Quảng Nam (trong bah năp tach ndeh păr Chu Lai) n’hganh ntŭk n’glêh dŭt nthoi đah trong mper dak lêng bah n’gor Bình Định ta Km 125+645. Jêh nĕ Thủ tướng lĕ tât uănh nđôi n’hanh an ndơ an phung pah kan n’hanh djăt mbơh ngăch nău nchrăp ƀư Ntuh kơl ndâk ƀư trong ndeh têh hăn ngăch Bắc-Nam, lvang Quảng Ngãi-Hoài Nhơn. Bah năp nĕ, Thủ tướng Phạm Minh Chính uănh nđôi bôk nău kan jŭt ngih rông mpông sat ta nkuăl Mô Đức, n’gor Quảng Ngãi, khâl rnăk wâl wa Trần Trung Kiên ta xă Đức Chánh.