Ta rơh vơt, Thủ tướng Phạm Minh Chính rhơn n’hanh rnê âk nău dơi bâh Tập đoàn Marriott tâm nău hun hao ăp ntŭk ngih rlu năch ueh mhe ta lam ntur neh tâm ban kơt ta Việt Nam.

Gay ma n’hao tay nău tâm kơl tâm let năp tay, Thủ tướng đă Marriott geh mbơh ƀư tay nău nchrăp pơk hvi ntuh kơl ta trong kan pâl nđaih, nău kan ƀư ngih năch gŭ rlu đah ăp nău kan têh tâm di đah nău dơi geh ta Việt Nam n’hanh geh ueh đah năch dak bah dih; tâm kơl ntĭm nti, hun hao rnoh nuĭh kan ueh mhe, an tâm di đah nău mpŏng kan ta lam ntur neh, tâm rgop pâl nđaih Việt Nam đah ta nkual n’hanh lam ntur neh, ƀư âk ding âk ntil ndơ, pă kan an nău pâl nđaih, n’hao nău dơi mât uănh ta trong pâl nđaih, kơl an n’hanh hăn ndrel đah Việt Nam ndâk nsơm, hun hao n’gâng kan pâl nđaih n’hanh nchoăn rdeng ka lơ trôk tâm let năp tay.