Thủ tướng Chính phủ Phạm Minh Chính mhe geh nar tâm mâp ma Kruanh n’gâng kan nchră nau Cuba Bruno Rodriguez Parrulla. Thủ tướng lah rjăp, tâm rnôk geh dak dôl mâp nau jêr kơt rnôk aơ, Việt Nam mro tâm dăch ma Cuba, nkoch mbơh nau tă blau kan ndrel kơl an Cuba rlet nau jêr, ƀư ueh n’hâm dăng bah nơm gay ndrel hun hao. Thủ tướng đă 2ding ân n’hao tâm nchră gưl kan ăp gưl. Tâm rgop kan rjăp ntrŭnh ƀư nau tâm boh gưl prêh geh dơi tâm rnôk hăn khâl Cuba bah Tổng Bí thư, Kruanh dak Tô Lâm khay 9 năm 2024.

Kruanh n’gâng kan nchră nau Cuba ntoh nau lah ueh bah Đảng, Ngih dak ndrel ƀon lan Cuba mpeh nau tâm rnglăp ndrel tâm kơl bah Việt Nam tâm rơh rlau aơ, ngăn lah tâm nau kan tuch tăm ndrel đăp mpăn ndơ sa. 2 ding tâm ban nau tâm rgop ƀư săk tam nau leo tâm boh văng sa, tăch rgâl, ntuh kơl ndrel âk nau kan êng gay hun hao tâm di ma nau tâm boh chính trị khlay, kơl an nau kan hun hao bah bar dak./.