Thủ tướng lah na nê̆ mpŏng uănh bâh LHQ kơt mhe mbơh ta Hiến chương lĕ geh tâm di đah nău mpŏng hun hao bâh Việt Nam, lah na nê̆ đah Việt Nam, LHQ lah nuĭh băl geh tâm knơm, dăch bên jŏ jong, Việt Nam way kahgĭt nău kơl kan khlăy bâh LHQ tâm rlău 40 jât năm ba năp n’hanh nău nsrôih tâm rgop ta ăp nău kan bâh LHQ.

Dăch aơ ngăn, Việt Nam mât geh nău dơi ƀư Ủy viên mô rnâng kan bâh Hội đồng bảo an LHQ, nău kan groi kruanh Đại hội đồng LHQ khóa 77, n’hao nău tâm rgop mpôl tât râng pah kan ăp nău mât đăp mpăn bâh LHQ. Gay ma ntop mât đăp mpăn rnă njrăng ndơ sông sa ta lam ntur neh, Việt Nam mbra dơi geh tăch ngluh an dak bah dih klâp ma 7,5 rkeh tấn phe tâm năm 2023, nkre lah nsrôih tâm rgop an nău mbơh tơih mĭn kan bâh Tổng thư ký LHQ mpeh rgâl mhe trong kan ndơ sông sa, ndơ ngêt nâp nâl.