Kêng măng 16/10, Thủ tướng Phạm Minh Chính wơt wa Prak Sokhonn, Uỷ viên Ban Thường vụ, Kruanh Ban Đối ngoại Trung ương Đảng Ƀon lan Campuchia dôl geh hăn khâl, pah kan ta Việt Nam. Ta rơh wơt, Thủ tướng lah rjăp hăn khâl bah wa Prak Sokhonn geh nkô̆ dŭt khlay, rgop rdâk nkah tay n’hanh n’hao dăng tâm boh đah bar Đảng, bar dak.

Bar kruanh rđău kan tâm ban ŭch an lah Việt Nam n’hanh Campuchia lah bar dak tâm kâng n’har, hŏ way ndrel rdâng lơh tay bu rkeh nsum gay rklaih luh rnoi nuĭh, dơn ngoăy neh dak tâm rơh rdâk njêng n’hanh mât njrăng neh dak; tâm boh krêp dêh, tâm rnglăp, tâm kơl nsum đah bar Đảng, bar Ngih dak n’hanh ƀon lan bar dak lah dŭt khlay, ndơ khlay dâk bôk năp đah rnă njrăng, hun hao bah ăp dak. Bar ding lah rjăp  tâm boh bar ding hŏ rgop khlay tâm nău mât nâp đăp mpăn chính trị, đăp mpăn njrăng n’gang neh dak – rnă njrăng, hun hao wăng sa- rêh jêng kon nuĭh n’hanh n’hao ntŭk khlay kan lam ntŭr neh bah ăp Đảng, ăp dak; nsing nơm tâm boh tâm kâng n’har uĕh lăng, tâm rnglăp way ơm, tâm boh lam lĕ rngôch, nâp dăng jŏ jong đah Việt Nam n’hanh Campuchia mbra nar lơn ma dơi rdâk n’hanh hun hao tay dăng, yor ma nău geh bah ƀon lan bar dak./.