Nkhêp geh râng tâm nchră gưl têh ASEAN- Hội đồng tâm boh kuel dak lêng (GCC) n’hanh khâl dak Saudi Arabia ntơm bah nar 18-20/10, tĭng nău jă bah kađăch Saudi Arabia Salman bin Abdulaziz Al Saud. Măng ntri (18/10) tĭng mông ta ntŭk, Thủ tướng Chính phủ Phạm Minh Chính hŏ wơt kruanh tập đoàn Ajlan & Bros.

Ta rơh wơt, wa Ali AL-Khatib, groi Giám đốc mât bôk Công ty Ajlan & Bros an gĭt tâm let năp  tay công ty ŭch rŏng mbra pơk hvi lơn tâm boh ntuh kơl ta Việt Nam n’hanh dăn đă chính phủ Việt Nam n’hanh ăp n’gâng kan nta trong dơh lơn an công ty pơk hvi ntuh kơl tâm Việt Nam. Thủ tướng lah rjăp, Chính phủ Việt Nam mbra ton ndrel hăn, nta trong dơh an tập đoàn Ajlan & Bros tâm nău ntuh kơl tăch rgâl n’hanh pơk hvi tâm boh đah ăp doanh nghiệp ta Việt Nam n’hanh Thủ tướng mpŏng dơi wơt kruanh tập đoàn ta Ajlan & Bros Việt Nam gay ƀư jêng ngăn ngăn ăp trong nchrăp ntuh kơl tăch rgâl bah Công ty ta Việt Nam.