Kêng măng ntri (17/2), Thủ tướng Chính phủ Phạm Minh Chính wơt wa Nagao Yutaka, Kruanh Tập đoàn Yamato Holdings, Nhật Bản dôl khâl, pah kan ta Việt Nam. Rnê âk ăp trong nchrăp kan bah Tập đoàn, Thủ tướng Phạm Minh Chính nsing nơm ăp Trong nchrăp kan dja mbra rgop uĕh tâm nău hun hao tâm n’gâng kan Logistics bah Việt Nam, tâm ban kơt tâm rnglăp tâm boh đah Việt Nam n’hanh Nhật Bản.

Mpeh bah nơm, Thủ tướng Phạm Minh Chính dăn đă Tập đoàn Yamato Holdings ntuh kơl tâm ăp trong kan dŏng khoa học công nghệ, rgâl blău njêng mhe, rgâl mbrô, rgâl kloh uĕh, ntĭm nti tơm nuĭh kan n’gâng kan nchuăn rdeng, ntuh kơl hun hao ăp ntŭk rgum logistics, prăk kaih, bảo hiểm, công nghệ thông tin; tâm boh, ntop kơl, ndơ̆ rgâl công nghệ đah ăp băl tâm boh Việt Nam, kơl Việt Nam râng jru lơn tâm rêng pă an tơm ndơ tăch bah nkual n’hanh lam ntŭr neh. Tâm ôp đah Thủ tướng Phạm Minh Chính mpeh săk geh n’hanh têh dăng bah tập đoàn, Wa Nagao Yutaka an gĭt, tập đoàn mbra ntĭm nti tơm nuĭh kan, dŏng công nghệ, rgâl mbrô, khoa học dữ liệu, trí tuệ nhân tạo n’hanh hun hao n’gâng kan nchuăn rdeng, logistics ta Việt Nam.