Kêng măng nđaơ 6/2, Thủ tướng Phạm Minh Chính wơt Tổng Giám đốc Rmôt kan Tuch tăm mât rong n’hanh ndơ sông sa Liên hợp quốc (FAO). Ta nar wơt wa Khuất Đông Ngọc, Tổng Giám đốc Rmôt kan Tuch tăm mât rong n’hanh ndơ sông sa Liên hợp quốc (FAO), Thủ tướng Phạm Minh Chính mĭn lah Việt Nam uănh lah prêh tâm boh kan ndrel đah FAO tâm lôch ăp năm bah năp, ngăn lah ntrôl hun hao tuch tăm mât rong, thôn ƀon n’hanh rgâl trong ndơ sông sa nâp nâl ta Việt Nam.

Tât aƀaơ Việt Nam lĕ geh âk nău rgop khlay an rnă njrăng ndơ sông sa lam ntŭr neh, lơn lah n’hao tăch n’gluh rnôk du đêt dak đêt tăch n’gluh phe yor tăch proăt ăp trong tâm pă kol tâm rơh srê COVID-19. Gay ntrôl kan ndrel đah 2 ding, Thủ tướng đă FAO ntop kơl tay, kơl Việt Nam tâm rnôk dăp rgâl tay nău kan lŏ mir tĭng n’hao khlay hao n’hanh hun hao uĕh nđĭr, nâp nâl, gĭt blău êng, rdâng đah rgâl trôk nar mih sial; công nghiệp mhe, rgâl rgop nkual ƀon lan têh, hun hao thôn ƀon uĕh, kloh; ntrôl dăng rgâl mrô.