Kêng măng nar 27/10, Thủ tướng Chính phủ Phạm Minh Chính hŏ wơt Tổng Thư ký Nhih pah kan tâm boh n’hanh hun hao wăng sa (OECD) Mathias Cormann nkhêp geh râng rgum nchră Bộ trưởng OECD- Đông Nam Á n’hanh ăp nău kan tâm rnôk ndrel ƀư Kruanh bôk nău kan Đông Nam Á (SEARP) bah OECD năm 2023 dơi ƀư tâl bar mbro ta Hà Nội.

Rnê âk tâm boh uĕh lăng đah Việt Nam n’hanh OECD, Thủ tướng Chính phủ dăn đă bar ding ntrŭt ntrôl tâm boh, ngăn ngăn, nsĭt geh nău tam lơn. Thủ tướng Chính phủ Phạm Minh Chính nkoch ăp trong rƀŏng hun hao têh jong bah Việt Nam, lah rjăp ăp trong an ƀư lor bah Việt Nam tâm let năp tay, lĕ ma ntrŭt ntrôl 03 đăt ndal têh jong mpeh du trong tĭng, ndơ dŏng n’hanh tơm nuĭh kan; rdâk tay ăp suan ntrôl hun hao khlay (tăch n’gluh, ntuh kơl, dŏng sa) nkre ntrôl dăng ăp nău kan hun hao mhe kơt wăng sa nđĭr uĕh, ndơ̆ rgâl mbrô, wăng sa sĭt jêng tay, đêt n’gluh n’huk djơh, wăng sa gĭt blău./.