Kêng măng, 17/10, ta Ngih Chính phủ, Thủ tướng Chính phủ Phạm Minh Chính wơt tổng Tư lệnh Tahen Hoàng gia Campuchia, Đại tướng Vong Pisen n’hanh Mpôl đại biểu Tahen Hoàng gia Campuchia dôl khâl na nê̆ Việt Nam. Mbơh tât Tổng Tư lệnh Hoàng gia Campuchia mpeh trong tâm rnglăp bah dih n’hanh nău kơl mât njrăng bri dak “4 mô geh” bah Việt Nam, Thủ tướng Phạm Minh Chính mĭn lah, Việt Nam uănh khlay mro n’hanh an lor bôk năp an nău mô rlu nâp nâl n’hanh hun hao tâm boh oh nô uĕh lăng, dăch dêh way ơm, kan ndrel lĕ rngôch, nâp nâl jŏ jong đah Campuchia;

kơl mro du dak Campuchia đăp mpăn, ƀư tơm, đăp mpăn, hun hao uĕh lăng n’hanh nar lơ rgop têh lơn ta lam ntŭr neh. Nuĭh kruanh Chính phủ Việt Nam mpŏng tahen 2 dak hăn lor tâm nău mât, rgum tâm boh uĕh lăng Việt Nam-Campuchia. Tâm nĕ geh ntĭm nti nuĭh kan; n’hao tay tâm rgâl nău mhe, nu nău; n’hao ntĭm nti way ơm tâm rnglăp bah tahen n’hanh ƀon lan 2 dak; mkra săk rnglăy ăp nău hôm e nkân n’hanh mhe ntoh ntơm bah dâng. Nking n’gang nău tâm rkeh tâm boh tâm rnglăp Việt Nam-Campuchia-Lào.