Ntoh ngơi ta rơh kahgĭt, Thủ tướng Phạm Minh Chính rhơn râng kahgĭt 120 năm nar dah đồng chí Phạm Văn  Đồng -Nuĭh Cộng sản kan jăp, nuĭh kon hoc ntoh lư, nuĭh kan ndrel dăch bên,nuĭh băl bâh Kruanh Hồ Chí Minh têh dăng -Nuĭh geh âk dak lam ntur neh ŭch rŏng đah nău kan lah mât uănh leo kan dŭt blău, nuĭh kan nchră nău đah dak bah dih têh dăng. Thủ tướng lah na nê̆, đồng chí Phạm Văn Đồng lah du nău ntoh ang ngăn mpeh nău mĭn cách mạng, kan ueh jăp blău đah Đảng, đah ngih dak, ueh đah ƀon lan, nănh mĭn nănh kan, nănh dơn nău kan, nsrôih kan, nău ueh, kan jăp, nău mĭn ueh, way nsrôih njrăng rdâng đah ăp nău tât nău sa nkhiăn sa ƀer mpung lir, way geh an nău kan ueh bâh ngih dak ba năp,bâh ƀon lan ba lơ, năp lor. Thủ tướng lah na nê̆ nău nsrôih ryơk ndơn n’hanh n’hao ăp nău khlăy, ntil ndơ ueh têh kuăng ma đồng chí Phạm Văn Đồng nklơi tay nar aơ n’hanh let năp tay, an nău kan rdâk njêng ngih dak Việt Nam têh dăng, ueh răm, hơm răm, nâp nâl joat tĭng trong CNXH.