Nar aơ (8/10), dơn nău jă bah Thủ tướng dak Cộng hòa Dân chủ Nhân dân Lào Sonexay Siphandone – Kruanh ASEAN 2024, Thủ tướng Chính phủ Phạm Minh Chính leo mpôl ntơh măt gưl têh Việt Nam râng tâm nchră gưl têh ASEAN tâl 44, 45 n’hanh ăp tâm nchră gưl têh geh tât ta Vintiane, Lào, ntơm bah nar 8 - 11/10. Aơ lah rêng nău kan gưl têh dŭt khlay bah ASEAN tâm năm, đah nău tât râng bah Kruanh ăp dak ASEAN,, Timor-Leste n’hanh 10 dak tâm boh bah ASEAN, ndrel âk năch jă lah ntơh măt ăp mpôl kan dak bah dih n’hanh tâm nkual.

Đah nkô̆ “ASEAN: Ntrŭt ntrôl buăt nthoi n’hanh  nsrôih dăng êng”, ăp kruanh rđău kan rgum tâm ôp mpeh ăp nkô̆ nău têh jong, grêt dăch đah ASEAN n’hanh nkual, ntrŭt ntrôl tâm dâl nău, tâm boh jru, nkre êt lhăt, ndrel rƀah ngăch trong dơh uĕh n’hanh rlău dơi ntul rlong. Đah nuih n’hâm nchrăp rgop n’hanh nsrôih lĕ n’hâm suan he an nău geh nsum, mpôl Việt Nam tă bah Thủ tướng Chính phủ Phạm Minh Chính leo mpôl hăn tât râng ăp rơh tâm nchră dja, mpơl lor âk nău lư khlay mpeh ASEAN n’hanh nău geh let năp tay bah ASEAN./.