Thủ tướng Chính phủ mhe geh siƀŭt njuăl ngăch đă rgum nkra bah khuch khat an tay bah kơi rơh tâm tom ndeh krit nji ta n’gor Lạng Sơn: Siƀŭt njuăl lah kloh: Tĭng nău mbơh ngăch bah Ủy ban đăp mpăn hăn ntung trong gưl neh dak, tâm rnôk 02 h 10 mnĭt nar 31 khay 10 năm 2023, ta km70+800 Quốc lộ 1A mpeh sop Rừng Cấm, nkuâl Hữu Lũng, n’gor Lạng Sơn hŏ geh tâm tom ndeh dŭt krit nji mha êng đah ndeh rdeng năch 16 ntŭk gŭ geh biển số 14B-03657 tâm tom đah ndeh sơ mi rơ moóc n’hanh ndeh container hăn rlơ̆ tay; kêng dŭt ƀư 05 nuĭh khĭt n’hanh âk nuĭh rmanh, 3 bôk ndeh khuch khat hô.

 Lôch tăng geh nău lư tâm tom ndeh, Thủ tướng Chính phủ hŏ rđău đă njuăl nău chop khâl, tâm pă rngot klâng tât rnăk wâl ăp nuĭh khĭt, rgŏ jă, ôp khâl ăp nuĭh geh rmanh tâm rơh tâm tom ndeh; nkre tâm pă Groi kruanh rnâng kan Ủy ban đăp mpăn hăn ntung trong gưl neh dak ndrel đah ăp nuĭh ntơh măt Bộ Công an, Bộ Giao thông vận tải hăn tât ntŭk tâm tom ndeh gay kan nsum đah Ủy ban nhân dân n’gor Lạng Sơn n’hanh ăp nhih pah kan geh tât rđău đă nkra bah khuch khat n’hanh ôp khâl ăp nuĭh khĭt rmanh tâm tom ndeh; rgum lĕ rngôch mpôl kan kơl nuĭh rmanh; ƀư ôp khâl, ntop kơl năn ngăch, rgŏ jă rnăk wâl ăp nuĭh khĭt n’hanh ăp nuĭh rmanh tâm rơh tâm tom ndeh./.