Kêng măng 25/10, Thủ tướng Chính phủ Phạm Minh Chính lĕ rgum nchră Kruanh Hạ viện Malaysia dôl khâl na nê̆ Việt Nam bah 22-25/10. Ta rơh rgum nchră, Thủ tướng Chính phủ Phạm Minh Chính rnê rơh khâl bah Kruanh Hạ viện Malaysia. 2 nuĭh kruanh tâm ban ŭch mpeh ăp trong kan ndrel khlay năm tât gay ndơ̆ tâm boh 2 dak hao prêh mhe.

Thủ tướng Chính phủ đă 2 dak nâp nâl nsing nơm chính trị tă bah n’hao tâm rgâl mpôl gưl prêh, ăp gưl n’hanh lĕ rngôch ăp trong; nsrôih ndơ̆ geh prăk tăch rgâl ăp ding geh 18  rmen đôlar tĭng trong tâm ban; nta an dơh tăch n’gluh ăp ntil ndơ 2 ding geh dăng; dăn đă Malaysia ntop kơl Việt Nam hun hao nău kan công nghiệp Halal n’hanh ơm ký ton sam ƀŭt kan ndrel tâm ntil nău aơ. 2 ding tâm ban ŭch tâm rgop rjăp nsum n’hanh ăp dak ASEAN êng ndâk njêng du ASEAN tâm rnglăp, tâm ban ŭch, n’hao kan ndrel tâm rmôt, mât uĕh nău ƀư tơm ta n’gul mkra ăp nău nkual; tâm ban ŭch mât êng nău mĭn nsum bah ASEAN tâm nău Biển Đông....