
Lâm Đồng hŏ rmal 39 mpôl kan đảng n’hanh bơi 1.300 đảng viên tih geh rmal. Nău lư dja dơi nkoch ta rnôk tâm nchră n’glôch jêh 10 năm tĭng ƀư nău Ntrŭnh mbrô 05 bah Bộ Chính trị n’hanh n’glôch jêh pah kan ôp uănh, groi nđôi, rmal đảng năm kan 2020-2025 tă bah Tỉnh ủy Lâm Đồng ƀư. Đah nuih n’hâm mô geh nkual “mpăng”, mô geh mha êng bah dih, năm kan 2020-2025, Tỉnh ủy, Ban Thường vụ Tỉnh ủy, gưl ủy, ủy ban kiểm tra ăp gưl bah n’gor Lâm Đồng hŏ rgum rđău đă, nchŏng luh n’hanh tĭng ƀư lĕ n’hâm suan pah kan ôp uănh, groi nđôi n’hanh rmal nău tih bah Đảng.

Nău rmal lhăt ăp đảng viên tih hŏ nsĭt tay nău dơi tam tâm pah kan ntĭm nti, nking nchăng nău tih bah mpôl kan đảng n’hanh cán bộ, đảng viên. Yơn lah, wa Y Thanh Hà Niê Kđăm, Bí thư Tỉnh ủy Lâm Đồng an lah, du đêt rơh hăn ôp uănh, groi nđôi hôm ƀư dơm ma mbung, ƀư tĭng rlong ơm; n’glôch jêh ôp uănh, groi nđôi hôm nsum nsum, mô nchŏng luh dơi ăp mpăng đêt, rbăn lhơ, nău tih gay nkra bah, nkra, jêng tât geh nău tam, nău dơi mô hŏ âk; Ăp gưl ủy, mpôl kan đảng rhuăt luh nău tă ơm gĭt kan, ndăn ngăch gay n’gluh ăp trong nkra bah tâm let năp tay.
Viết bình luận